Sartu edo Izena eman
Aza. 15, 2011,
aretxabaleta
kantari3
Kantariren azken grabazio saioa izan da oraingo asteburuan Aretxabaletan. Eta, hemen ere, aurreko asteetan Arrasaten, Oñatin eta Bergaran bezala, neska-mutikoek primeran igaro dute. Etxean entseatutakoa poz-pozik erakutsi dute taularen gainean. Aretxabaleta eta Eskoriatzako neska-mutikoak, oraingoan. 160 lagun eta 40 talde. Irudi ederrak jaso ditugu.
Aza. 11, 2011,
aretxabaleta
kantari3
Guztira, Aretxabaleta eta Eskoriatzako 150 gaztetxo igoko dira asteburuan Arkupe aretoko eszenatokira, 40 taldetan banatuta. Parte hartuko duten neska mutikoak 8 eta 12 urte bitartean dituzte eta, beste behin, euskal kantuak abestu eta dantzatuko dizkigute.
Aretxabaletako emanaldiak izango dira Kantariko hirugarren edizio honetako azken grabazioak. Grabazioekin arratsaldeko 16:00etan hasiko gara; bai zapatuan eta baita domekan ere, eta edonor joan daiteke ikuskizunekin gozatzera. Hala ere, Arkupeko sarreran doan banatuko diren sarrerak hartu beharko dituzue Kantari ikustera joan nahi duzuenok.
Goienak, guztira, 8 saio ekoiztuko ditu Aretxabaleta eta Eskoriatzako artistekin; 4 zapatuan eta beste 4 domekan. Eta ondoren, Goiena telebistan emitituko ditugu saio guztiak.
Horrez gain, Kantariri buruzko informazio guztia jasotzeko aukera daukazue sarean eta telebistan ematen gabiltzan saio guzti-guztiak ere bertan jarriko ditugu ikusgai.
Aza. 3, 2011,
bergara
kantari3
Zabalotegi aretoak Bergara eta Antzuolako 200 gaztetxo inguru hartuko ditu asteburuan Kantari karaoke ikuskizunarekin. 8 eta 12 urte bitarteko gaztetxoek 50 talde inguru osatu dituzte eta ikasi dituzten euskal kantuak abestu eta dantzatuko dizkigute beste behin. Gutzira hamar saio ekoiztuko ditugu; bost zapatuan eta beste bost domekan. Grabazioekin arratsaldeko 16:00etan hasiko gara eta edonor joan daiteke ikuskizunekin gozatzera. Ondoren, Goiena telebistan emitituko ditugu saio guztiak.
Bergara eta Antzuolako izar gazte baina handiak prest daude orain arte horrenbeste entseatu dituzten kantuak taula gainean eskaintzeko. Bergarako Zabalotegi aretoan izango dira ikuskizunak zapatuan eta domekan eta arratsaldeko 16:00etatik aurrera bertaratu ahal izango dira parte hartu behar duten gaztetxoen gurasoak, anai-arrebak, aiton-amonak, lagunak...
Gogoratu, Kantari ez da lehiaketa bat, ondo pasatzeko saio bat baizik. Beraz, oraingoan ere ez hutsik egin eta zatoz gurekin Kantari; Bergaran itxarongo zaitugu.
Goiena telebistan, aste honetan Oñatiko ikuskizunak eskaintzen ari gara. Bada, Oñatiko saioekin bukatutakoan, Bergarako saioak eskaintzen hasiko gara. Kantariren emisioak hauek izaten dira: astelehenetik egubakoitzera arratsaldeko 19:15ean eta errepikapenak hurrengo eguneko eguerdian, eta zapatuan eta domekan aste guztian zehar eskainitako saio guztiak emititzen ditugu.
Horrez gain, Kantari atarian ere, saio guztiak sarean ipintzen hasi gara.
Bagoaz pixkanaka-pixkanaka Debagoieneko artista gazte baina handiak ezagutzen. Kantari karaoke ikuskizunean, momentuz, Arrasateko eta Aramaioko gaztetxoak ezagutzen gabiltza. Egubakoitzetik aurrera, Oñatiko izarrak ezagutuko ditugu Goiena telebistan.
Kantari ikuskizuna astelehenetik egubakoitzera 19:15 inguruan eskaintzen dugu eta saio horiek errepikatu egiten ditugu hurrengo eguneko eguerdian. Zapatuan eta domekan ere aukera eskaintzen dugu astean zehar emitutako saio guztiekin familian denok batera gozatzeko.
Oñatiko saioen grabazioak urriaren 15ean eta 16an egin genituen eta egun bakoitzean launa saio grabatu genituen. Guztira, beraz, Oñatiko zortzi saio ekoiztu ditugu eta bertan parte hartu dute Oñatiko 8 eta 12 urte bitarteko 150 gaztetxo inguruk.
Artista guztiek ilusioz eta gogoz zapaldu zuten Gaztelekuaren agertokia eta euren onena ematen saiatu ziren.
Beste behin argi utzi zuten Debagoienean maila handiko artistak daudela, izan ere, guztiak primeran aritu ziren aurretik entseatutako euskal kantuak abesten eta dantzatzen; oñatiarrek ere, ez ziguten hutsik egin.
Azaroaren lehenengo asteburuan Bergarako Zabalotegi aretoan izango gara Bergarako eta Antzuolako artistak ezagutzen. Bigarren asteburuan, berriz, Kantariko azken grabazioak egingo ditugu Aretxabaletako Arkupen; bertan izango ditugu Aretxabaleta eta Eskoriatzako artistak.
Oñatin artistek izan dute ikusleak txunditzeko aukera asteburuan; eta baita egin ere! Gaztelekua dantzaleku bihurtu eta festa galanta egin dute Kantari saioaren grabaketarekin. 8 eta 12 urte bitarteko 150 bat gaztetxo elkartu dira eta ederto batean pasatu dute.
Arrasate eta Aramaioko gaztetxoen ostean, asteburu honetan artista oñatiarren txanda izango da. Oñatiko Gaztelekuan 8 eta 12 urte bitarteko 150 gaztetxo inguru batuko dira zapatuan eta domekan euskal kantuak abestu eta dantzatzeko. Guztira, zortzi saio ekoiztuko ditu Goienak Kantarirekin Oñatin. Goiena telebistan Kantari karaokearen hirugarren edizioa emititzen astelehenean, hilak 17, hasiko gara.
Urr. 13, 2011,
arrasate
kantari3
Gaztetxo, guraso eta aiton-amonek gogoz hartu dute aste bukaeran Kantari. Amaia Antzokian 200 ume eta gaztetxok abestu dute, 50 taldetan banatuta. Berritasun gisa, taularen atzealdea ikusi ahal izan zuen publikoak. Gaztetxoen komentarioek irribarreak eragin zituzten. Datorren aste bukaeran Oñatin izango gara grabaketekin. Eta hilaren 17tik aurrera ikusi ahal izango dira Kantariko saioak, Goiena telebistan. Saioak astelehenetik egubakoitzera bitartean emitituko ditugu 19:15ean eta errepikapenak hurrengo eguneko 13:30ean. Zapatu eta domekan aste guztian zehar emititutako saioak ikusi ahal izango dira.
Urr. 7, 2011,
kantari3
Zapatuan eta domekan egingo ditugu lehenengo grabazioak Arrasaten. Aurten, guztira 839 gaztetxok hartuko dute parte, 198 taldetan banatuta. Guztiak 8 eta 12 urte bitarteko neska mutikoak izango dira eta denek euskal abestiak kantatu eta dantzatuko dute Debagoieneko aretoetan. Guztira 38 saio ekoiztuko ditugu Kantarirekin eta Goiena telebistan emititzen hasiko gara urriaren 17tik aurrera.
Ez da ezer falta Kantari karaoke ikuskizunarekin bailarako artista txiki baina handiak eszenatokietan ikusteko. Asteburuan Amaia antzokian izango gara Arrasate eta Aramaioko artistek egiten dutenaz gozatzeko asmotan. Eta ondoren, Oñati, Bergara eta Aretxabaletan izango gara, herriz herri Kantari, ondo pasatzeko asmotan.
Kantariko hirugarren edizioan parte hartzera bailarako 839 gaztetxo animatu dira, 8 eta 12 urte bitartean dituzte guztiek, eta hiru eta bost pertsona bitarteko 198 talde osatu dituzte. Guztiek euskal kantuak abestu eta dantzatuko dizkigute; Kantarin aski ezagunak egin diren Oskorriren Furra furra, Zaramaren Iñaki, Ken 7ren Ilargia... Horiez gain, abesti berriak ere izango ditugu aurtengo ikuskizunean; Lain taldearen Itxaropen hautsien kaxa, Gatiburen Prest eta The Uski´s taldearen Gabero zu barik, besteak beste.
Aurtengo berrikuntzetako bat koreografien bideoak izan dira; horiek Zugaz-en eta YouTube-n daude. Baina hori ez da berrikuntza bakarra; taularen atzeko aldean gertatzen dena ikusi ahal izango dugu aurtengo saioetan. Backstage-ean gertatzen denaren berri ematen izango da gainera Aitor Agiriano eskoriatzarra. Berak, parte hartzen duten gaztetxoen inpresioak jasoko ditu, beraz, euren ikuskizuna egin ostean kontatuko digute ea nola moldatu diren eszenatokian, lagunak eta gurasoak bertan zeuden, animo asko jaso dituzten...
Talde bakoitzak bere ikuskizunaren aurretik gainera, Amaia Txintxurreta aurkezleak egindako pare bat galderei erantzungo die eta euren kantuaren ondoren, esan moduan, backstage-ean Agirianok taula gainean nola sentitu diren galdetuko die gaztetxoei euren esperientziaren gaineko adierazpenak hartzeko.
Guztira 38 saio ekoiztuko ditu Goiena telebistak Kantarirekin; hamarna Arrasaten, Bergaran eta Aretxabaletan eta zortzi Oñatin.
Arrasateko saioetan bertako gaztetxoez gain, Aramaiokoak ere izango dira. Bergarako ikuskizunetan Antzuolako gazteak ere hartuko dute parte eta Aretxabaletakoetara eskoriatzarrak ere joango dira.
- Arrasaten, Amaia antzokian urriaren 8an eta 9an arratsaldeko 16:00etatik aurrera.
- Oñatin, Gaztelekuan urriaren 15ean eta 16an arratsaldeko 17:00etatik aurrera.
- Bergaran, Zabalotegin azaroaren 5ean eta 6an arratsaldeko 16:00etatik aurrera.
- Aretxabaletan, Arkupen azaroaren 12an eta 13an arratsaldeko 16:00etatik aurrera.
Herri guztietako aretoetara joan ahal izango dira parte hartzaileen lagunak, gurasoak, anai-arrebak, aiton-amonak... gaztetxoak nola egiten duten ikustera eta animatzera. Beraz, guztioi animatzen zaituztegu zuen herrietako artista txiki baina handiak animatzera joateko.
Salbuespena izango da Aretxabaletan. Arkupeko ikuskizunetara joateko gonbidapena beharko da aretoaren ikus-entzule kopurua mugatua delako. Horregatik, Aretxabaleta eta Eskoriatzako saioetan parte hartuko duten gaztetxo bakoitzari hiruna sarrera banatuko zaizkie ikuskizun eguna baino lehenago, eta horiez gain, sarrera gehiago lortu nahi izanez gero, aukera egongo da ikuskizun egunean bertan Arkupeko sarreran saioak hasi baino lehenago gonbidapenak lortzeko.
Saioak Goiena telebistan emititzen urriaren 17an hasiko gara. Astelehenetik egubakoitzera egunero ikusi ahal izango dira 19:15ean eta saioak errepikatu egingo ditugu hurrengo eguneko 13:30ean. Zapatu eta domekatan, berriz, aste guztian zehar eman ditugun saio guztiak eskainiko ditugu, etxean guztiak kantuan eta dantzan jartzeko.
Uztaila 27, 2011,
bideo
dantza
kantari
koreografia
Uztaila 20, 2011,
kamiseta
kantari
Kaixo, Kantarizaleok!
Kantariko egunerako zuen jantziak moldatu nahi baldin badituzue, hementxe dauzkazue adbideak.
Bideo horietatik ikasi ahal izango duzue ikuskizun egunerako zuen kamisetak nola moztu eta moldatu.
Gure dantzariek daramaten kamisetak ere horrelaxe eginda daude.
Lan horretan ibili da Amaia Albes diseinatzaile arrasatearra.
Ikusi bideoak eta animatu zuen kamisetak moldatzera!
Ekaina 13, 2011,
Debagoieneko 8 eta 12 urte bitarteko gaztetxoek hiru eta bost pertsona bitarteko 198 talde osatu dituzte, eta hala, 839 gaztetxo izango dira udazkenean egingo den karaoke ikuskizunean parte hartuko duten artistak.
Herrika, talde kopuru hauek apuntatu dira:
Kantuen zozketa
Hilabete honetan egingo dugu kantuen zozketa eta talde bakoitzari egokitu zaion kantua zein den jakinarazteko, mail bitartez mezua bidaliko dizuegu izena eman duzuenoi.
Ekaina 13, 2011,
Zaharra zara Bilbo
Neoizko argiak erdi zintzilik
daude taberna gainean
urratu den, aurpegi den
pareta gorrian.
Zubiak gora zutitzen ziren
Portmoutheko ontzientzat
lehen "euskalduna", gaur palazioa
eta biharko laino beltzak.
Begiratzen zaitut
zuloaren gainetik
zerbait esan nahi dizut
zugan galdu aurretik
zaharra zara Bilbo.
La Vieja sartu da Nerbioi erriberan
oinak ur beltzetan, loreak baineran,
mozkortzen nauzu ta ezin zaitut edan.
Neoizko argiak erdi zintzilik
daude taberna gainean
egin nazazu zurea
kantak dirauen artean.
Gerritik heltzen ondoen dakien
beso luzearen jabe
guapa etorri, irri batekin
ziurtatua ez al gaude?
Ekaina 10, 2011,
Txuri urdin
Txuri urdin, txuri urdin, maitea
Txuri urdin, txuri urdin, aurrera
Beti, beti, maite, maite-maitea
Donostia donostiarrak. (BIS)
Aurrera, mutilak
Aurrera, Gipuzkoa
Aurrera txuri-urdinak. (BIS)
Gazte, gaztedi aupa, aupa mutilak
Gazte, gaztedi txuri-urdinak.
Ekaina 10, 2011,
Prest
Eo
“ke ba”
hemen eztau
begire nabil ta eztot ikusten.
Kale zikiñetan arrastorik ez
Barrarik barra ez da agertzen
Bille nabil, bille-bille nabil
Askatasune noiz iritsiko zain.
Nahi dot
eta ez dekot,
biher dot
lortu eingo dot neuretzat nahi dot
Emoten ez badabe hartu eingo dot,
itxaroten banago ez dot lortuko.
Bille nabil, bille-bille nabil
Neure ordue noiz iritsiko zain.
Ye, ye
Ni, ni banago
Oraingoan enabe geldituko
Ye, ye
Ni, ni prest nago
Ye, ye
Ni, ni banago
Seigarren martxie sartunde dekot
Ye, ye,
Ni, ni prest nago.
Bai and bai
Bai, bai
Eo, hor zagoz zu?
Ez zaitut ikusten.
Ezer ein barik beti billurtute
Sugien moduen zagoz ezkuteute.
Altzeu hadi! Altzeu hadi!
Egunsentixe iritsi aurretik.
Ye, ye
Ni, ni banago
Oraingoan enabe geldituko.
Ye, ye
Ni, ni prest nago
Ye, ye
Ni, ni banago
Seigarren martxie sartunde dekot
Ye, ye,
Ni, ni prest nago.
Ni, ni, ni, ni prest nago.
Ni, ni, ni, ni martxan nago.
Da zu zer? Hor zagoz?
Zu zer? Martxan zauz?
Ekaina 8, 2011,
Urrun
Dena dago urrun
Nire etxeko atetik at
Sentikortasunik ez
Sortasunean lagata.
Jo dezagun abendua
98. urtean
Estatu Batuek berriz
Bonbardatu dutela Irak
Eta Toulousen poliziak
Hil duela magrebiar bat
Eta Madrilen faxistek
Aitor Zabaleta euskalduna.
Dena dago urrun
Nire etxeko atetik at
Sentikortasunik ez
Sortasunean lagata.
Ikusle geldo bilakatuta
Kosovo, Kongo, Sierra Leona
Gerra ikuskizun
soila mutatu da
Mundializazioaren esklabuak.
"All you need is love" G-7an
Hiltzaileak abesten ari dira
Behar duzun guztia
Amodioa omen da.
Dena dago urrun
Nire etxeko atetik at
Sentikortasunik ez
Sortasunean lagata.
Odol zipriztinez zikinduta
Kasu baina eskaileretan
Entzuten baitira urratsak
Geldikeriari agur, banoa.
Dena dago urrun
Nire etxeko atetik at
Sentikortasunik ez
Sortasunean lagata.
Ekaina 8, 2011,
Sweet Mary
Maria izena jarri zion aitak
Monjetan egin ditu ikasketak,
Erizaina izango da ama bezala
Herriko elizan ezkonduko da.
Baina Mariak badauka etxean
kontatuko ez duen sekretua
Hasi da abesten orain dela gutxi
montatu duten ska taldean.
DANTZAZAZU! SWEET MARY!
DANTZAZAZU! SWEET MARY!
Ailegatu da berriro astelehena,
gona laukidun uniformea,
noiz iritsiko berriz ostirala
berriz abesteko lokalean.
Baina Mariak badauka etxean
jantziko ez luken beste jantzia,
ska laukidun tiranteak eta
Marteen,s botak erosi berriak.
DANTZATZEKO! SWEET MARY!
DANTZATZEKO! SWEET MARY!
Baliteke inoiz ez ibiltzea
berarentzat zeukaten bidea,
ta agian mantal txuria soineko
beltz batengatik aldatzea.
Baina Mariak badauka etxean
afalorduan esatekoa,
familia aurrean arituko dela
herriko jaietan kontzertuan.
DANTZAZAZU! SWEET MARY!
DANTZAZAZU! SWEET MARY!
Ekaina 8, 2011,
Lehia ez da nahia
Herri ttiki batekoa nintzen, herri kirolen morroia
lehiaren maitale itsua, ukitu nahi nuen goia
neska kontuak ere tarteko apustu eta orroia
destinuak berak nahi bezala ordea idatzi zidan gidoia.
Zainetan nuen lehiarako grina
maitasun kontuan ikasi nuen ez zela berdina
Zainetan nuen lehiarako grina
Denborarekin pasa zitzaidan bihotzeko mina.
Neska batetaz txoratu nintzen, nola txoratu gainera
Gau eder batean esan zidan: “Gurea doa hastera”
Ilargipean etzan ginen ta belaunetik izterrera
Behatza laster irristatu zen desio nuen oihanera
Ez nuen uste gaur iristerik zure ihintzetan bustitzera.
Zainetan nuen lehiarako grina
maitasun kontuan ikasi nuen ez zela berdina
Zainetan nuen lehiarako grina
Denborarekin pasa zitzaidan bihotzeko mina.
Gozatzea eta sufritzea ere nabari ziren arnasan
Gure azken amodio gaua zen, hura amodiua bazan
Maitasuna lehia bihurtu zen lehia maitasuna ez zan
Ameriketara alde egin nuen ezin bainuen hura jasan.
Zainetan nuen lehiarako grina
maitasun kontuan ikasi nuen ez zela berdina
Zainetan nuen lehiarako grina
Denborarekin pasa zitzaidan bihotzeko mina.
Ekaina 8, 2011,
Itxaropen hautsien kaxa
Itxaropen hautsien kaxan
nago itxirik
nire sentimendu eta beldurrak daude bertan
ezkutaturik
baina gaur, ezin dut
zu gabe
zergatik, joan zinen?
Itxaropen hautsien kaxan
ez dago irtenbiderik
pentsatu ez gero ezingo zara inoiz irten
bakarrik
horregatik, zu gaur
ondoan behar zaitut
joga elkarrekin
amets egin dezagun
berriro.
Ezin dut arnastu
zu hemen ez bazaude
gauetan, ametsetan
zu agertzen zara
egunak, zu gabe
zorigaitzak dira
maitea, itzul zaitez
berriro nire albora.
Ezin dut arnastu
zu hemen ez bazaude
gauetan, ametsetan
zu agertzen zara
egunak, zu gabe
zorigaitzak dira
maitea, itzul zaitez
berriro nire albora.
Ekaina 8, 2011,
Itsasoa gara
Begiratu atzean hortzimugak sutan
gure begiek zerutan
begiratu maitea amildegi ertza
biziak hila ametsa
ez bilatu gauean izar hura
zure begitan piztuta
Ta ez galdetu izoiz zer galdu genuen
negar egin genuenean
malko haiei esker
orain itsasoa gara
orain itsasoa gara!
Orain hemen gaudela, bidegurutzean
utz ditzagun beldurrak atzean
ez gara izan onenak, beharbada
baina gure bizitza izan da
mendeetako kanta erditu da
gure ordua heldu da
Ta ez galdetu inoiz zer galdu genuen
negear egin genuenean
malko haiei esker
orain itsasoa gara
orain itsasoa gara!
Ta ez galdetu inoiz zer galdu genuen
gure ametsaren bidean
izan garelako
oraindik ere ba gara,
ta beti izango gara!
Ta ez galdetu inoiz zer galdu genuen
negar egin genuenean
malko haiei esker orsin itsasoa gara
orain itsasoa gara!
Ekaina 8, 2011,
Hel nazazu eskutik
Naizena izenik ez du behar biluztean,
nire oskolak zatikan zure aurrean erortzean,
birsortzeko hil behar den zubi honen hasieran begiratu beharrean,
ikusi nazazu, ikusi nazazu.
Zugabetasuna, hozten naute arnastean,
desio eta beharrak, nola elurra urtzean,
ihes bideek berriro, leku berera ekartzean,
bakardade sakonenak, nire pausua izutzean,
hel nazazu eskutik, hau buka bitartean,
hel nazazu eskutik, hau buka bitartean.
Hel nazazu eskutik, hau buka bitartean, hel nazazu eskutik.
Ez biktima ez errudinik,
ez epaile ez barkamenik,
ez dut nahi zuri biderik,
ez arrazoi zentzudunik,
ez erorketa librean besoetan salbatzerik,
maite zaitut bat bakarrik, maite zaitut bat bakarrik,
hel nazazu eskutik, hau buka bitartean, hel nazazu eskutik, eskutik,
hel nazazu eskutik, hau buka bitartean, hel nazazu eskutik.
Hel nazazu eskutik, hel nazazu eskutik,
hel nazazu eskutik, hel nazazu eskutik,
hel nazazu eskutik, hau buka bitartean,
hel nazazu eskutik.
